Kabhi Kabhi Khud Ko Badalna Padta Hai …
Kabhi kisi dost ke saath baith kar
garam chai ya coffee peete hue
aise hi zindagi ki baatein nikal aati hain …
aur phir achanak koi ek simple si baat
seedha dil mein utar jaati hai.
Jaise kal hi soch raha tha …
agar hum har roz
wahi karte rahenge
jo hamesha se karte aaye hain …
toh phir zindagi mein naya aayega bhi kaise?
Hum aksar badlav chahte toh hain …
magar badalna nahi chahte.
Aur sach kahun …
kabhi kabhi humein duniya nahi rok rahi hoti …
hum khud ko rok rahe hote hain.
Dar se …
overthinking se …
ya phir is soch se ki
“ab kya hi badlega …”
Lekin zindagi shayad
aise hi thodi thodi khulti hai …
ek chhote qadam se
ek naye faisle se
ya sirf khud par thoda sa yakeen kar lene se.
Baaki sab baad mein hota hai.
— Humayunn Peerzaada ☕✨
