“Waqt rukta nahi … aur zindagi pighalti rehti hai”
Kal raat main khud se hi baat kar raha tha…
maine khud se poocha — yeh waqt aakhir chahta kya hai?
Jaise andar se koi awaaz aayi …
“waqt kehta hai… main phir na aaunga … kya pata main tujhe hasaunga ya rulaunga…”
Main thoda ruk gaya… phir usne jaise dheere se samjhaya —
“jeena hai to is pal ko jee le … kyonki is pal ko main agle pal tak rok nahi paunga…”
Main chup ho gaya … aur phir achanak ek aur khayal aaya …
Zindagi bhi to kuch aisi hi hai … barf ki tarah, dheere dheere pighalti rehti hai …
aur hum … bas dekhte rehte hain.
Shayad isiliye … zindagi ko haste muskurate guzar lena chahiye…
kyonki pighal to rahi hai … pata nahi kab khatam ho jaye.
Main bas itna samajh paaya … waqt rukta nahi …
aur zindagi ruk kar jeene ka mauka deti bhi nahi.
Isliye … jo pal hai … bas wahi sach hai.
