School sirf kitaabon aur exams tak simit nahi hota — yeh hamari zindagi ki asli foundation hoti hai. Mere liye Diamond Jubilee Girls High School aur St. Joseph High School, Umerkhadi, sirf padhai ki jagah nahi the, balki ek ghar the jahan se maine zindagi ke sabse bade sabak seekhe. Yeh category mere un sabhi teachers aur school ke un lamhon ko samarpit hai jo mujhe aaj bhi inspire karte hain. Har post ek yaad hai, ek shukriya hai, aur ek tribute hai un sabko jo humare dil aur dimaag ko roshan karte rahe.
Meri maa, meri khala, aur kuch waqt tak mere papa bhi teacher rahe. Unhone mujhe ek sabak diya jo zindagi bhar mera hissa ban gaya: apni school aur apne teachers se kabhi rishta mat todna. Woh hamesha kehte the — apne teachers se milte raho, unka haal chaal poochte raho, khaaskar retirement ke baad. Kyunki…